ບົດຄຳເຫັນ
ຂອງ ທ່ານ ລັດຖະມົນຕີ ກະຊວງ ຖວທ ໃນງານລ້ຽງອາຫານຄ່ຳ
ວັນທີ 01/07/2018,  ທີ່ໂຮງແຮມລາວພລາຊາ, ນະຄອນຫລວງວຽງຈັນ

  • ຮຽນທ່ານ......................................................................................
  • ຮຽນທ່ານ.......................................................................................
  • ບັນດາຄະນະຜູ້ແທນ, ແຂກທີ່ມີກຽດ
  • ທ່ານຍິງ ແລະ ທ່ານຊາຍ ທີ່ນັບຖື ແລະ ຮັກແພງທັງຫລາຍ

ໃນນາມຕາງໜ້າໃຫ້ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ກໍ່ຄືສື່ມວນຊົນລາວທັງມວນ,  ຂ້າພະເຈົ້າຂໍສະແດງຄວາມຊົມເຊີຍ ບັນດາທ່ານຜູ້ແທນຂັ້ນສູງສື່ມວນຊົນ ແລະ ອົງການສື່ມວນຊົນສຳຄັນໆ ຈາກ ສປ ຈີນ, ຣາຊະອານາຈັກກຳປູເຈຍ, ສະຫະພາບມຽນມາ, ຣາຊະອານາຈັກໄທ ແລະ ສສ ຫວຽດນາມທີ່ໄດ້ຕອບຮັບຄຳເຊື້ອເຊີນເພື່ອເຂົ້າຮ່ວມກອງປະຊຸມສຸດຍອດສື່ມວນຊົນຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ທີ່ ສປປ ລາວ ຮ່ວມເປັນເຈົ້າພາບ ກັບ ສປ ຈີນ ຈັດຂຶ້ນໃນປີ 2018ນີ້ ແລະ ຖືໂອກາດນີ້ ຂໍສະແດງຄວາມຍິນດີຕ້ອນຮັບຢ່າງອົບອຸ່ນ ຕໍ່ບັນດາທ່ານຜູ້ແທນຂັ້ນສູງ, ອົງການສື່ມວນຊົນ ຂອງທັງ 6 ປະເທດດັ່ງກ່າວ ທີ່ເດີນທາງມາຮ່ວມກອງປະຊຸມສຸດຍອດຄັ້ງນີ້ ເຊິ່ງໄດ້ນຳເອົາມິດຈິດມິດໃຈຖານເພື່ອນມິດບ້ານໃກ້ເຮືອນຄຽງມາສູ່ກອງປະຊຸມຂອງພວກເຮົາ.

ຂໍສະແດງຄວາມຂອບໃຈຢ່າງຈິງໃຈມາຍັງ ລັດຖະບານ ສປ ຈີນ ກໍຄື ສຳນັກໜັງສືພິມປະ ຊາຊົນລາຍວັນຂອງ ສປ ຈີນ ທີ່ໃຫ້ຄວາມໄວ້ເນື້ອເຊື່ອໃຈ ແລະ ເລືອກເອົາ ສປປ ລາວ ເປັນເຈົ້າພາບຮ່ວມໃນການຈັດກອງປະຊຸມສຸດຍອດສື່ມວນຊົນຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ພາຍໃຕ້ຫົວຂໍ້ ການຮ່ວມມືປະຊາຄົມ ແມ່ນໍ້າຂອງ-ແມ່ນໍ້າລ້ານຊ້າງ ເພື່ອອະນາຄົດອັນສະຫວ່າງສະໄຫວ

ໃນຄໍ່າຄືນນີ້ ຂ້າພະເຈົ້າມີຄວາມປິຕິຊົມຊື່ນທີ່ໄດ້ມີໂອກາດຈັດງານລ້ຽງອາຫານຄ່ຳເພື່ອເປັນກຽດແດ່ ບັນດາທ່ານຜູ້ແທນຂັ້ນສູງອົງການສື່ມວນຊົນຈາກທັງ 6 ປະເທດແມ່ນໍ້າຂອງ-ແມ່ນໍ້າລ້ານຊ້າງ ທຸກທົ່ວໜ້າ. ຫວັງຢ່າງຍິ່ງວ່າທ່ານຈະໄດ້ສຳພັດກັບລົດຊາດຂອງອາຫານ ແລະ ຊົມສິລປະວັນນະຄະດີ ອັນເປັນວັດທະນະທຳທີ່ມີເອກະລັກຂອງປະຊາຊົນລາວບັນດາເຜົ່າ.

ໃນໂອກາດອັນສະຫງ່າລາສີນີ້, ຂ້າພະເຈົ້າ ຂໍເຊີນຊວນທຸກທ່ານຍົກຈອກດື່ມ ເພື່ອມິດຕະ ພາບ ແລະ ເພື່ອຜົນສຳເລັດຂອງກອງປະຊຸມສຸດຍອດສື່ມວນຊົນ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ (ຂໍຮຽນເຊີນ) ຂໍຂອບໃຈ.