ຂະບວນທັດສະນະສຶກສາ ຂອງນັກຂ່າວທົ່ວປະເທດ ພາຍໃຕ້ໂຄງການ GAMCIL
ໃນລະຫວ່າງວັນທີ 3-13 ທັນວາ 2024 ທີ່ຜ່ານມາ, ສະມາຄົມນັກຂ່າວລາວ ແລະ ອົງການແຄຣ໌ ນານາຊາດ ປະຈຳ ສປປ ລາວ ໄດ້ ສຳເລັດການຈັດຂະບວນທັດສະນະສຶກສາໃຫ້ແກ່ນັກຂ່າວລາວທັງສາມພາກ ທີ່ແຂວງ ຜົ້ງສາລີ ກໍຄືໂຄງການ WECR, KFSP ແລະ ແຂວງ ເຊກອງ ໂຄງການ SuPER WE Coffee. ຈຸດປະສົງການທັດສະນະສຶກສາໃນຄັ້ງນີ້ກໍແມ່ນ ເພື່ອສົ່ງເສີມໃຫ້ນັກຂ່າວ ໄດ້ມີສ່ວນຮ່ວມໃນການຈັດຕັ້ງປະຕິບັດຕົວຈິງຈາກການເກັບກຳຂໍ້ມູນກ່ຽວກັບການພັດທະນາສີຂຽວ ທີ່ຕິດພັນກັບການສົ່ງເສີມຄວາມສະເໝີພາບລະຫວ່າງຍິງ-ຊາຍ, ສາມາດນໍາເອົາບົດຮຽນທີ່ໄດ້ຮຽນມາ ໃຊ້ເຂົ້າໃນການເກັບກຳຂໍ້ມູນຢ່າງມີຄວາມຊຳນິຊຳນານ ແລະ ສາມາດເຜີຍແຜ່ຂໍ້ມູນຂ່າວສານກ່ຽວກັບການພັດທະນາສີຂຽວໂດຍຜ່ານການລາຍງານສື່ແບບໃໝ່ໃຫ້ຮູ້ໃນຂອບເຂດທົ່ວປະເທດ. ພາຍຫຼັງທີ່ສຳເລັດການທັດສະນະສຶກສາແລ້ວ ນັກຂ່າວແມ່ນມີຄວາມເຂົ້າໃຈຫຼາຍຂື້ນກ່ຽວກັບການຂຽນຂ່າວ ແລະ ການລາຍງານຂ່າວສີຂຽວໃນຮູບແບບໃໝ່. ນອກຈາກນັ້ນ ນັກຂ່າວຍັງຈະໄດ້ເຂົ້າຮ່ວມການແຂ່ງຂັນຂຽນຂ່າວໃນໄວໆນີ້ອີກດ້ວຍ.
