Uncategorized

ໃນວັນທີ 5-7 ສິງຫາ 2024, ສະມາຄົມນັກຂ່າວ ແຫ່ງ ສປປ ລາວ, ອົງການແຄຣ໌ ລາວ, ໂຄງການ ແກມຊິວ ແລະ ຊ່ຽວຊານ ໄດ້ຈັດກອງປະຊຸມ ການປະເມີນຄວາມຕ້ອງການຝຶກອົບຮົມແບບເຊິ່ງໜ້າ ຢູ່ທີ່ ນະຄອນຫຼວງວຽງຈັນ ແລະ ແຂວງ ຫຼວງພະບາງ ໂດຍມີຜູ້ເຂົ້າຮ່ວມ 58 ທ່ານ ແລະ ໄດ້ເຮັດການປະເມີນແບບອອນລາຍ ທີ່ແຂວງ ຈຳປາສັກ ໂດຍມີຜູ້ເຂົ້າຮ່ວມການປະເມີນ 30 ທ່ານ. ຈຸດປະສົງກໍແມ່ນເພື່ອ ປະເມີນຄວາມຕ້ອງການການຝຶກອົບຮົມຂອງນັກຂ່າວລາວ, ສະໜອງຂໍ້ມູນກ່ຽວກັບຄວາມຕ້ອງການ ການຝຶກອົບຮົມ ແລະ ການນຳໃຊ້ຂໍ້ມູນຂ່າວສານ ເພື່ອພັດທະນາຫຼັກສູດໃຫ້ແທດເໝາະກັບຄວາມຕ້ອງການຕົວຈິງ ຂອງນັກຂ່າວລາວ.  ພາຍຫຼັງທີ່ສຳເລັດການປະເມີນແລ້ວ, ສະມາຄົມນັກຂ່າວ ແຫ່ງ ສປປ ລາວ, ອົງການແຄຣ໌ ລາວ, ໂຄງການ ແກມຊິວ ແລະ ຊ່ຽວຊານ ກໍໄດ້ເຮັດວຽກຮ່ວມກັນ ເພື່ອສ້າງແລະ ພັດທະນາຫຼັກສູດ ການຮຽນການສອນ ທີ່ເໝາະສົມທັງຮູບແບບເຊິ່ງໜ້າ ແລະ ແບບອອນລາຍ ຜ່ານເວັບໄຊ ຂອງສະມາຄົມນັກຂ່າວ ແຫ່ງ ສປປ ລາວ….

ວີດີໂອ ຕອນເຊົ້າມື້ນີ້ທີ11ຕຸລາ2024, ຄະນະຮັບຜິດຊອບໂຄງການ GAMCIL ໄດ້ປະຊຸມກັນຢູ່ທີ່ສຳນັກງານໜັງສືພິມພາສາຕ່າງປະເທດ ນະຄອນຫລວງວຽງຈັນ ໂດຍການເປັນປະທານຂອງ ທ່ານ ທອງຫລໍ່ ດວງສະຫວັນ, ຜູ້ອຳນວຍການໃຫຍ່ໜັງສືພິມພາສາຕ່າງປະເທດ, ກຳມະການໃນຄະນະບໍລິຫານງານສະມາຄົມນັກຂ່າວແຫ່ງສປປລາວ, ຫົວໜ້າໂຄງການ GAMCIL ຝ່າຍ LJA ແລະ ທ່ານ ນາງ ບົວຄໍາ ດວງປັນຍາ ຫົວໜ້າໂຄງການ GAMCIL ຝ່າຍ CARE Lao. ກອງປະຊຸມໄດ້ປຶກສາກັນໃນການກະກຽມເປີດຊຸດຝຶກອົບຮົມຄູຝຶກນັກຂ່າວໃນອາທິດໜ້ານີ້ຢູ່ນະຄອນຫລວງວຽງຈັນ, ກະກຽມຊຸດຝຶກອົບຮົມນັກຂ່າວພາກເໜືອຢູ່ແຂວງຫລວງພະບາງ ໃນທ້າຍເດືອນນີ້, ພາກກາງຢູ່ນະຄອນຫລວງວຽງຈັນ ໃນຕົ້ນເດືອນ ພະຈິກ ແລະ ພາກໃຕ້ຢູ່ແຂວງຈໍາປາສັກ ໃນທ້າຍເດືອນພະຈິກທີ່ຈະມາເຖິງນີ້. ນອກນັ້ນ, ກອງປະຊຸມຍັງໄດ້ປຶກສາກັນກ່ຽວກັບການຈະເປີດການນໍາໃຊ້ເວບໄຊຂອງສະມາຄົມນັກຂ່າວ www.laja.la ຢ່າງເປັນທາງການໃນທ້າຍເດືອນນີ້ເຊັ່ນດຽວກັນ.