ກອງປະຊຸມປຶກສາຫາລືເພື່ອປັບປຸງໂຄງສ້າງ,ກຳນົດຫົວຂໍ້,ເນື້ອໃນແລະໜ້າເວັບໄຊທັງພາສາລາວແລະອັງກິດຂອງສະມາຄົມນັກຂ່າວແຫ່ງສປປລາວໂດຍການເປັນປະທານຂອງທ່ານທອງຫລໍ່ດວງສະຫວັນກຳມະການໃນຄະນະບໍລິຫານງານສະມາຄົມໄດ້ຈັດຂຶ້ນໃນຕອນບ່າຍມື້ນີ້(26/9/24)ທີ່ສຳນັກງານໜັງສືພິມພາສາຕ່າງປະເທດນະຄອນຫລວງວຽງຈັນ.
ຕອນເຊົ້າມື້ນີ້ທີ່ອົງການແຄນາໆຊາດປະຈຳລາວ ນະຄອນຫລວງວຽງຈັນ ຄະນະຮັບຜິດຊອບໂຄງການGAMCILໄດ້ປະຊຸມກັນເພື່ອປຶກສາຫາລື ແລະຕົກລົງກັນໃນການກຳນົດເວລາ, ສະຖານທີ່ຝຶກອົບຮົມຄູຝຶກ ແລະ ຝຶກອົບຮົມນັກຂ່າວໃນ 3 ພາກຂອງລາວໃນປີ 2024-2025 ຂອງໂຄງການທີ່ຈະໄດ້ລົງມືປະຕິບັດໂຕຈິງໃນໄວໆນີ້ ພ້ອມດຽວກັນນີ້ຄະນະຍັງໄດ້ກຳນົດວັນພິທີເປີດການນໍາໃຊ້ເວັບໄຊຂອງສະມາຄົມນັກຂ່າວແຫ່ງສປປລາວອີກດ້ວຍ.
ໃນມື້ນີ້ໄດ້ມີພິທີສະຫລຸບກິດຈະກຳ 6 ເດືອນ ຕົ້ນປີ ແລະ ສະເໜີແຜນການ 6 ເດືອນທ້າຍປີຂອງໂຄງການ GAMCIL ທີ່ໂຮງແຮມເມືອງແທ່ງ ນະຄອນຫລວງວຽງຈັນ ໂດຍມີ ທ່ານ ໂພສີ ແກ້ວມະນີວົງ ຮອງລັຖະມົນຕີ ກະຊວງຖວທ ຜູ້ຊີ້ນໍາໂຄງການ, ທ່ານ ສົມສະຫວາດພົງສາ ຫົວໜ້າກົມສື່ມວນຊົນ, ທ່ານ ສະຫວັນຄອນ ລາຊມຸນຕີ ປະທານສະມາຄົມນັກຂ່າວ, ທ່ານ ປອ. ອາຈິດ ປາຣິດາ ຕາງໜ້າອົງການແຄນາໆຊາດປະຈຳລາວ, ຄະນະປະສານງານຈາກ ນະຄອນຫລວງວຽງຈັນ, ນະຄອນຫລວງພະບາງ ແລະ ຈໍາປາສັກ, ຕາງໜ້າກົມສື່ມວນຊົນຈາກອົງການຈັດຕັ້ງມະຫາຊົນ ແລະ ນັກຂ່າວຈໍານວນໜຶ່ງທີ່ນະຄອນຫລວງວຽງຈັນ. ໃນໂອກາດນີ້, ທ່ານ ນາງ ບົວຄໍາ ດວງປັນຍາ ຫົວໜ້າໂຄງການຝ່າຍແຄ ແລະ ທ່ານ ທອງຫລໍ່ ດວງສະຫວັນ ຜູ້ອໍານວຍການໃຫຍ່ໜັງສືພິມພາສາຕ່າງປະເທດ, ຄະນະບໍລິຫານງານ ສຂລ ຫົວໜ້າໂຄງການຝ່າຍ LJA ໄດ້ຜັດປ່ຽນກັນຂຶ້ນລາຍງານຜົນການຈັດຕັ້ງປະຕິບັດໂຄງການໃນ 6…
ຕອນເຊົ້າວັນພະຫັດທີ8/8/24ນີ້, ຄະນະຮັບຜິດຊອບໂຄງການ GAMCIL ຮ່ວມກັບຊ່ຽວຊານ Kyle James technical assistant to the project ໄດ້ປະຊຸມເພື່ອພ້ອມກັນກວດກາສັງລວມຄືນຄວາມຕ້ອງການຂອງການສ້າງຫລັກສູດເພື່ອເຝິກອົບຮົມນັກຂ່າວໃນການສົ່ງເສີມການພັດທະນາພື້ນທີ່ສີຂຽວຂຶ້ນຢູ່ຫ້ອງການທີ່ສຳນັກງານໜັງສືພິມພາສາຕ່າງປະເທດພາຍຫລັງທີ່ສຳເລັດ ການລົງເກັບກຳທາບທາມລະດັບຄວາມຮັບຮູ້ຄວາມເຂົ້າໃຈແລະຄວາມຕ້ອງການໃນການພັດທະນາສື່ແບບໃໝ່ New Media, Social media ຢູ່ນະຄອນຫລວງພະບາງແລະ ນະຄອນຫລວງວຽງຈັນໃນອາທິດນີ້.
ການເສລະນາຄັ້ງນີ້ແມ່ນສະມາຄົມນັກຂ່າວ LJA ແລະ ອົງການແຄ CARE Lao ເປັນເຈົ້າພາບ ສະໜັບສະໜູນໂດຍສະຫະພາບເອີຣົບ EU, ທ່ານດາວວອນ ພະຈັນທະວົງ ປະທານກິດຕິມະສັກສະມາຄົມນັກຂ່າວ, ທ່ານ ກິດສະໜາ ວົງໄຊ ພ້ອມຄອບຄົວ ແລະ ນັກທຸລະກິດຈຳນວນໜຶ່ງ. ດີໃຈ ແລະກໍ່ພູມໃຈເປັນຢ່າງຍິ່ງທີ່ເຫັນລູກຫລານຄົນຮຸ່ນໜຸ່ມທີ່ມາເປັນວິທະຍາກອນ ໃນມື້ນີ້ລ້ວນແລ້ວແຕ່ເປັນຄົນມີຄວາມຮູ້ຄວາມສາມາດສູງ, ມີລະດັບການສຶກສາດີ ແລະ ເປັນມືອາຊີບທີ່ນໍາຍຸກນໍາສະໄໝທາງດ້ານເທັກໂນໂລຊີສື່ສານມວນຊົນທີ່ສາມາດເຊື່ອມສານກັບສາກົນໄດ້. ສະນັ້ນ, ການເສວະນາໃນມື້ນີ້ເຖິງວ່າຈະເປັນເວລາທີ່ສັ້ນຫລາຍ ແຕ່ກໍ່ມີຜົນປະໂຫຍດສູງເພາະມັນເປັນໂອກາດດີທີ່ນັກຂ່າວສື່ສານມວນຊົນຮຸ່ນສືບທອດພວກເຮົາຈະນໍາເອົາຄວາມຮູ້, ປະສົບການຈາກວິທະຍາກອນເຫລົ່ານີ້ໄປໃຊ້ໃຫ້ບັງເກີດຜົນໂດຍສະເພາະແມ່ນ AI ເຊິ່ງມາຮອດປັດຈຸບັນນີ້ໂລກເຂົາພັດທະນາໄປໃກແລ້ວ ແຕ່ພວກເຮົາບໍ່ຈໍາເປັນໄປຄົ້ນຄວ້າ ແລະ ເລີ້ມເຮັດໃໝ່ນັບ 1,2,3,4, ໄປ ເຮົານໍາໃຊ້ຜົນສຳເລັດທີ່ເຂົາເຮັດມາແລ້ວໄປໂລດ ໄປທາງລັດກໍ່ວ່າແມ່ນຈຶ່ງຈະໄດ້ຮັບຜົນໄວກວ່າ ແລະ ມີປະສິດທິຜົນສູງກວ່າ ແລະ ຈະເຮັດໃຫ້ການພັດທະນາວຽກງານສື່ສານມວນຊົນລາວຂອງພວກເຮົາກ້າວໄປໃກ້ມໍ່ກັບສື່ມວນຊົນຂອງບັນດາປະເທດອ້ອມຂ້າງກໍ່ຄືຢູ່ໃນຂົງເຂດອາຊຽນໃນສະເພາະໜ້າແລະຍາວນານ.
